യൂറോപ്യന് മേഖലയിലെ പ്ലേ ഓഫ് റൗണ്ടില് വടക്കന് അയര്ലന്ഡിനെ മറുപടിയില്ലാത്ത രണ്ടു ഗോളുകള്ക്ക് തോൽപ്പിച്ച് ഇറ്റലി. ഇതോടെ മുന് ലോകചാംപ്യന്മാർ കൂടിയായ ഇറ്റലി ലോകകപ്പ് സ്വപ്നങ്ങള്ക്ക് തൊട്ടരികിലെത്തി.
വിജയിച്ചില്ലെങ്കില് പുറത്തെന്ന സ്ഥിതിയിലാണ് അസൂറികള് നിര്ണായക മത്സരത്തിന് വടക്കന് അയര്ലന്ഡിനെ നേരിടാനിറങ്ങിയത്. രണ്ടാം പകുതിയിലാണ് ഇറ്റലി രണ്ടു ഗോളുകളും നേടിയത്. 56-ാം മിനിറ്റില് മിഡ്ഫീല്ഡര് സാന്ദ്രോ ടൊണാലിയാണ് കാത്തിരുന്ന ആദ്യ ഗോള് അസൂറികള്ക്ക് സമ്മാനിച്ചത്. 80-ാം മിനിറ്റിൽ മോയിസ് കീൻ ഇറ്റലിയുടെ രണ്ടാം ഗോൾ നേടി വിജയം ഉറപ്പിച്ചു.
യൂറോപ്പിൽ നിന്നും 16 ടീമുകളാണ് ലോകകപ്പിൽ കളിക്കുക. 12 ടീമുകൾ ഇതിനോടകം യോഗ്യത നേടിയിട്ടുണ്ട്. ശേഷിച്ച നാല് സ്ഥാനങ്ങൾക്കായി പതിനാറ് ടീമുകളാണ് പ്ലേഓഫിൽ മത്സരിക്കുന്നത്.
2006 ൽ ലോക ചാംപ്യന്മാരായശേഷം പിന്നീട് കഷ്ടകാലമായിരുന്നു. അടുത്ത രണ്ട് ലോകപ്പിലും ഗ്രൂപ്പ് ഘട്ടത്തിൽ തന്നെ അസൂറിപ്പട മടങ്ങി. 2018ലും 2022ലും യോഗ്യതയും നേടിയില്ല.
യോഗ്യതാ റൗണ്ടിൽ ഗ്രൂപ്പ് ഐയിൽ ഇറ്റലി ആറ് ജയവും രണ്ട് തോൽവിയുമടക്കം 18 പോയിന്റുമായി നോർവേയ്ക്ക് പിന്നിൽ രണ്ടാം സ്ഥാനക്കാരായി.ഇതോടെയാണ് ലോകകപ്പ് യോഗ്യതയ്ക്ക് പ്ലേ ഓഫ് കളിക്കാൻ നിർബന്ധിതരായത്. ശേഷിക്കുന്ന ഒരു മത്സരത്തിൽ കൂടി ജയിച്ചാൽ ഇറ്റലിക്ക് യോഗ്യത നേടാം.
Content Highlights: italy vs northern ireland world cup qualifiers win